AHOLI, UY-JOY FONDI VA QISHLOQ XOʻJALIGINI ROʻYXATGA OLISH OʻRTASIDAGI ALOQALAR

Aholini, uy-joy fondi va qishloq xoʻjaligini roʻyxatga olish oʻrtasidagi aloqalar juda aniq koʻrinmaydi. Biroq, koʻplab mamlakatlar ushbu aloqalarni yanada yaxshi integratsiyasiga erishish yoki maʼlumotlarni toʻplash faoliyatining yuqori samaradorligiga erishish uchun yangi yoʻllarni izlashda tobora koʻproq ishtirok etmoqda. Shu bilan birga, ushbu ikki turdagi roʻyxatga olishda bir qator masalalarni koʻrib chiqish kerak, ularning eng muhimi, turli hil kuzatuv birliklaridir.

Qishloq xoʻjaligini roʻyxatga olishning kuzatuv birligi fermer xoʻjaligi hisoblanadi, u qishloq xoʻjaligi ishlab chiqarishining iqtisodiy birligidir.

Aholini roʻyxatga olishning kuzatuv birligi esa uy xoʻjaligi va uning tarkibiga kiradigan shaxslardir. Biroq, koʻplab rivojlanayotgan mamlakatlarda qishloq xoʻjaligi ishlab chiqarishining asosiy hajmi uy xoʻjaliklarida jamlangan boʻlib, uy xoʻjaliklari va fermer xoʻjaliklari oʻzaro yaqin aloqalarga ega boʻlib, koʻpincha bevosita muvofiq namoyon boʻladi. Ushbu ikki turdagi roʻyxatga olish oʻrtasidagi aloqalarni oʻrnatish bunday mamlakatlar uchun juda muhimdir.

 Qishloq xoʻjaligini roʻyxatga olish jarayonida uy xoʻjaliklari va xoʻjalik egasining oila aʼzolari boʻyicha turli maʼlumotlar toʻplanadi.

Butunjahon qishloq xoʻjaligini roʻyxatga olish uy xoʻjaliklari miqdori, uy xoʻjaligi aʼzolarining demografik xususiyatlari va iqtisodiy faoliyati, shuningdek, uy xoʻjaligi aʼzolarining ishi toʻgʻrisidagi maʼlumotlar yigʻiladi. Qishloq xoʻjaligini roʻyxatga olish jarayonida olingan qishloq xoʻjaligi faoliyati haqidagi baʼzi maʼlumotlarni aholini roʻyxatga olish maʼlumotlariga nisbatan toʻliqroq deb hisoblash mumkin. Odatda, har bir shaxsning iqtisodiy faoliyatining asosiy turi qisqa hisobot davrida soʻraladi, bu esa, qishloq xoʻjaligi bilan shugʻullanadigan shaxslarning mavsumiy asosda yoki toʻliqsiz ish bilan taʼminlanmasligiga olib kelishi mumkin. Boshqa tomondan, aholini roʻyxatga olish qishloq xoʻjaligidagi bandlik va qishloq xoʻjaligi aholisi haqida maʼlumot olish imkonini beradi, bu esa qishloq xoʻjaligini roʻyxatga olish natijalarida mavjud emas. Chunki, u oʻz ichiga faqat ferma egalari boʻlgan uy xoʻjaliklarinigina oladi. Qishloq xoʻjaligi maʼlumotlaridan foydalanuvchilarga toʻliq tasvirni berish uchun qishloq xoʻjaligini roʻyxatga olish maʼlumotlari ham va aholini roʻyxatga olish maʼlumotlari ham birdek zarur boʻladi.

 Aholini va uy-joy fondini roʻyxatga olishni rejalashtirishda ushbu turdagi roʻyxatga olish va qishloq xoʻjaligini roʻyxatga olish oʻrtasidagi aloqani taʼminlash uchun har qanday imkoniyatni oʻrganish kerak. Ushbu aloqa turli shakllarga ega boʻlishi mumkin. Aholini va uy-joy fondini roʻyxatga olishda ishlatiladigan taʼriflar qishloq xoʻjaligi roʻyxatiga kiritilgan taʼriflar bilan mos kelishi kerak, bu ikki maʼlumot toʻplami oʻrtasida mazmunli taqqoslashni taʼminlaydi. Aholini va uy-joy fondini roʻyxatga olish qishloq xoʻjaligini roʻyxatga olish uchun, masalan, hududlarni roʻyxatga olish uchastkalariga boʻlish, qishloq xoʻjaligini roʻyxatga olish uchun asos tayyorlashi yoki tegishli hollarda namuna olish uchun asos sifatida foydalanishi mumkin.

Tuman statistika bulimi