openbudget.uz да овоз бериш жараёни
Жорий йил 13 августдан 02 сентябрга қадар Ўзбекистон Республикаси Молия вазирлигининг openbudget.uz расмий веб сайти орқали мавжуд маҳаллий муаммоларни бартараф этиш мақсадида туманда истиқомат қилувчилар учун аҳамиятга эга бўлган жами 108 та таклифларга овоз берилди.
Ушбу таклифларни молиялаштириш учун яратилган ташаббусли бюджет жамғармасига махаллий бюджетнинг қўшимча манбалари хисобидан 1 029.0 млн сўм ажратилди.
Овоз бериш якунларига кўра энг кўп овоз тўплаган 4 та таклиф ташаббускорлари ғолиб деб топилди. Жумладан:
1-ўрин:
31-сон мактаб иситиш тизимини таъмирлаш бўйича киритилган таклиф (суммаси 300.0 млн сўм) -1273 та овоз тўплади;
2-ўрин:
2-сон мактабни ўқув жихозлари билан таъминлаш бўйича киритилган таклиф (суммаси 100.0 млн сўм) -1022 та овоз тўплади;
3-ўрин:
49-сон мактабни иситиш тизимини янгилаш ва спорт залини том қисмини таъмирлаш бўйича киритилган таклиф (суммаси 440.0 млн сўм) -925 та овоз тўплади;
4-ўрин:
Бешмарган МФЙ биносини таъмирлаш бўйича киритилган таклиф (суммаси 100.0 млн сўм) -789 та овоз тўплади.
Шовот тумани молия бўлими номидан туманимиз фуқароларига ташаббусли бюджет сайти openbudget.uz да овоз бериш жараёнида фаол иштирок этганликлари учун ўз миннатдорчилигимизни билдирамиз.