Tuman tibbiyot birlashmasiga qarashli yangi binolarni ochilish marosimi bo'lib o'tdi.

O‘zbekiston Respublikasi Prezidentining 2022-yil 30-dekabrdagi PQ 465-sonli qaroriga asosan, Investitsiya dasturi doirasida, Shovot tumani tibbiyot birlashmasining markaziy shifoxonasi, oldingi tug‘ruqxona bo‘limi va ayollar maslahatxonasi binolari mukammal ta’mirlanib, yangidan qabul diagnostika, bolalar, jonlantirish, umumiy jarrohlik hamda terapiya bo‘limlari tashkil etildi. Shuningdek, 122 o‘ringa mo‘ljallangan tug‘ruqxona, uch qavatli 800 qatnovga mo‘ljallangan ko‘p tarmoqli markaziy poliklinika, laboratoriya bo‘limi, umumiy amaliyot bloki, tez tibbiy yordam binolari hamda avtoturargoh yangidan qurilib foydalanishga topshirildi. 

Ochilish marosimida viloyat hokimining o‘rinbosari San’at Salayev, Shovot tumani hokimi Oybek Xolboyev, sektor rahbarlari, soha vakillari, nuroniylar, yoshlar hamda keng jamoatchilik vakillari ishtirok qildi. O‘tkazilgan tadbir davomida ramziy tasma kesilib, ushbu binolarda yaratilgan sharoitlar, zamonaviy yorug‘ va shinam xonalar, bemorlar uchun muolaja xonalari va qulayliklar ko‘zdan kechirildi.

Shovot tumani hokimligi axborot xizmati.