TADBIRKORLAR BILAN UCHRASHUV

Xorazm viloyati hokimining o‘rinbosari Anvar Davletov tomonidan tadbirkorlik faoliyatida muammolari mavjud bo‘lgan, faoliyati to‘xtagan va qayta tiklash istagida bo‘lgan tadbirkorlarning muammolarini bartaraf etish maqsadida Shovot tumanida tadbirkorlar bilan uchrashuv hamda Davlat dasturlari ijrosi yuzasidan amalga oshirilgan ishlar borasida matbuot anjumani o‘tkazildi.

Uchrashuv davomida tadbirkorlar o‘z faoliyatlarini kengaytirish, kredit olish, soliq imtiyozlarini qo‘llash kabi muammoli masalalar yuzasidan murojaat qilib, yangi biznes g‘oyalari va takliflarini bildirdilar. Har bir murojaat tegishli soha rahbarlari ishtirokida shu joyning o‘zida muhokama qilindi, ko‘tarilgan masalalarning bir qismi joyida o‘z yechimini topdi, qo‘shimcha o‘rganishni talab qiladigan murojaatlar ijrosi qat’iy nazoratga olindi.