Sudya va yoshlar uchrashuvi

Fuqarolik ishlari bo‘yicha Shovot tumanlararo sudyasi M.Xolliyev ishtirokida tumandagi 22-sonli umumiy o‘rta ta’lim maktabida “Sudya va yoshlar” uchrashuvi o‘tkazildi. Unda o‘quvchilarning sud tizimiga doir bilimlarini oshirish maqsadida sohaga doir qonun va qonunosti hujjatlar haqida ma’lumot berildi.

Ochiq muloqot tarzida o‘tgan tadbirda sudyalik kasbining mashaqqati, Davlat nomidan qaror qabul qilishning mas’uliyati ishtirokchilarga aniq misollar bilan tushuntirildi. Sud xodimi yoki sudya bo‘lish uchun maktab davridan maqsadni to‘g‘ri qo‘yib, asosiy e’tiborni bilim olishga qaratish lozimligi ta’kidlandi.

O‘quvchilar jamiyatda faol bo‘lishga, o‘z huquq va majburiyatlarini yaxshi bilishga chaqirildi. Tadbir yakunida yoshlarning sohaga doir savollariga javoblar berildi.