Shovot tumani hokimi Odilbek Artiqov tumandagi “Idaliqal’a” mahallasidan chetelga ishlash uchun ketgan fuqarolar bilan "online" tarzda bog'lanib suhbatlashdi. 

Bugungi kunda mahallada 205 nafar migratsiyadagi fuqarolar bor. Uchrashuvda ishtirok qilgan 65 nafar migratsiyadagi fuqaro tuman hokimiga mavjud  muammolari yuzasidan murojaat qildilar. Xususan, ishga joylashish va tadbirkorlik qilish uchun kredit olishda amaliy yordam, yer masalalari, uy-joy bilan ta’minlash kabi qator murojaatlar mas’ullarga yo‘naltirildi va ijrosi nazoratga olindi. 

Shuningdek, tuman hokimi tomonidan chetelga ishlash uchun ketgan fuqarolarning tarmoqda alohida guruhlarini shakllantirish, ular bilan doimiy aloqani yo‘lga qo‘yib, suhbatlashib borish, muammolarini o‘rganib, ijobiy yechim topish yuzasidan tegishli mas’ullarga topshiriqlar berildi.

Shovot tumani hokimligi axborot xizmati.