SO‘NGGI QO‘NG‘IROQ

Ha, yoshlikning qaynoq damlarini boshlagan o‘smir farzandlar, maktab bitiruvchilari bugun yangi yo‘lga qadam tashlaydilar. Bu yo‘l hayot deb ataladi. Ulardan endi yanada bilimli, mulohazali, e’tiborli, e’zozli bo‘lish talab etiladi.

Bugun tumandagi barcha ta’lim muassasalarida va butun Respublikamiz bo‘ylab o‘tkazilayotgan “So‘nggi qo‘ng‘iroq” tadbirlari tumandagi sektor rahbarlari, idora-tashkilotlar rahbarlari, ziyolilar, yozuvchilar keng jamoatchilik ishtiroki ta’minlangan holda bo‘lib o‘tmoqda. Tadbir boshlanishida mamlakatimiz Prezidentining maktab bitiruvchilariga murojaatnomasi o‘qib eshittirildi.

Mehmonlar, ota-onalar, ustozlar bitiruvchilarni tabriklab kelgusi hayotda omad tiladilar.

Kelgusida nimalar qilishni chamalagan o‘rta ta’lim maktabining bitiruvchi sinf o‘quvchilari - DAVR yoshlari bugun ustozlarga dil izhorlarini aytdilar, o‘tgan 11 yilning sarhisobini berdilar. Ustozlar ular bilan chin dildan fikr almashdilar, faxr so‘zlarini izhor qildilar.

Respublika Ma'naviyat va ma'rifat markazi Shovot tumani bo'linmasi rahbari                 Dilfuza Togonova