Rasmiy munosabat

Ijtimoiy tarmoqlarda “Shovot bozori oldidagi ko‘chada tartibsizlik avjiga chiqqan” mazmunida xabar tarqaldi.

Ushbu holat joriy yilning 3-avgust kuni ya’ni, yakshanba kuni sodir bo‘lgan. Markaziy dehqon bozori hududi va katta yo‘l bo‘yida yo‘nalishsiz taksilar tomonidan to‘xtash taqiqlangan joylarga avtotransport vositalarini qo‘yishi natijasida tirbandlik yuzaga kelgan.

Yuqoridagi holat yuzasidan tuman IIB YPX inspektorlari tomonidan, qoidabuzar haydovchilarga nisbatan qonunda belgilangan tartibda chora ko‘rilgani hamda odam tashish faoliyati bilan shug‘ullanadigan haydovchilar o‘rtasida targ‘ibot tadbirlari o‘tkazilganini ma’lum qilamiz.