Rasmiy munosabat

Ijtimoiy tarmoqlardagi “Shovot tumanidagi daraxtlar nega kesib tashlandi?” mazmunida tarqalgan xabar yuzasidan tuman hokimligi axborot xizmati quyidagilarni ma’lum qiladi.

Ushbu holat yuzasidan ishchi guruh tuzilib, tegishli tashkilot rahbarlari ishtirokida oʻrganish ishlari olib borildi. O‘rganish davomida O‘zbekiston Respublikasi Vazirlar mahkamasining 2019 yil 18-dekabrdagi “Iqtisodiy jihatdan samarasiz, kam hosil beradigan bog‘ va tokzorlarni yaroqsiz deb topish tartibi to‘g‘risidagi nizomni tasdiqlash haqida”gi 1012-sonli qarorini ijrosini ta’minlash maqsadida tasdiqlangan nizomga ko‘ra, iqtisodiy jihatdan samarasiz, kam hosil beradigan bog‘ va tokzorlarni karchopka qilish belgilangan. 

Shunga asosan Beruniy hududidagi “Yangiboy Iskandar” fermer xo‘jaligiga qarashli 5,7 gektar bog‘ maydonida ko‘chat soni kamligi, mevali daraxtlar kasallik bilan zararlanganligi va ekish sxemasiga mos bo‘lmaganligi aniqlandi. Shuningdek, bog‘ maydonida hosildorlik kamayib ketganligi, bog‘ qator oralig‘i haydalmasdan begona o‘t bosganligi sababli yuqorida ko‘rsatilgan 5,7 gektar bog‘ maydoni karchopka qilinib, o‘rniga yangidan zamonaviy bog‘ tashkil qilish rejalashtirilganini ma’lum qilamiz.