Rasmiy munosabat

Ijtimoiy tarmoqlardagi “Shovotda yo‘llardan xabar oladigan bormi?” mazmunida tarqalgan xabar yuzasidan tuman hokimligi axborot xizmati quyidagilarni ma’lum qiladi.

Ushbu holat yuzasidan tegishli xodimlar ishtirokida o‘rganish ishlari olib borildi. O‘rganish jarayonida ushbu ko‘cha Royat mahallasi, Bahor berk ko‘chasi ekanligi aniqlandi. Joriy yilning 20, 21-mart kunlari to‘xtovsiz yomg‘ir yog‘ishi natijasida ko‘cha loy bo‘lib, harakatlanishda muammolar yuzaga kelgan. Maxsus texnikalar yordamida ko‘chani tekislash ishlari amalga oshirilib, holat yuzasidan kamchiliklarni bartaraf qilish choralari ko‘rilmoqda.