RASMIY MUNOSABAT

RASMIY MUNOSABAT

Ijtimoiy tarmoqlardagi “Bu yer axlatxona emas, Xorazm viloyati Shovot tumanidagi xalq bozori” (sarlavha tahrirsiz berilmoqda) mazmunida tarqalgan murojaat yuzasidan tuman hokimligi axborot xizmati quydagilarni maʼlum qiladi.

Ushbu murojaatda ko‘rsatilgan joy Shovot tumani markaziy dehqon bozori emas, aksincha “Shovot” mahallasi N.Kubro ko‘chasidagi katta bostirma bo‘lib, bostirmadagi eski banner va peshlavhalar olib tashlandi. Yuqoridagi bostirma yonidagi qurilishi yakunlanmagan fundament poydevorlariga mahalliy sotuvchi va tadbirkorlar tomonidan chiqindilarni tashlash natijasida shu holatga kelib qolgan. Yuqoridagi holat tuman obodonlashtirish boshqarmasi xodimlari tomonidan bartaraf etildi. Shuningdek, noqonuniy qurilma deya ko‘rsatilgan qurilishi tugallanmagan fundament poydevorlari, 2021-yilning 22-may kuni Shovot tumani hokimining №1050-son qaroriga asosan, Shovot tumani “Eshonqal’a” mahallasida yashovchi fuqaro X.Aga N.Kubro ko‘chasi hududidan “Savdo do‘koni va Temirchilik ustaxonasi” qurish uchun ajratilgan yer hisoblanadi. Savdo do‘koni va temirchilik ustaxonasining dastlabki qurilish ishlari amalga oshirilib, bugungi kunda qurilish yakuniga yetmaganini bildiramiz.