RASMIY MUNOSABAT

Ijtimoiy tarmoqlardagi “Shovot tumani markaziy bozorining yomg‘irdan keyingi ahvoli” (sarlavha o‘zgarishsiz berildi) mazmunida tarqalgan video murojaat yuzasidan tuman hokimligi axborot xizmati quydagilarni maʼlum qiladi.

Ushbu video murojaatdagi holat joriy yilning 7-may kuni Shovot tumani markaziy dehqon bozori yonidagi avtoturargohda sodir bo‘lgan. Yuqoridagi holat yuzasidan tuman hokimligi va “Shovot dehqon bozori” mas’uliyati cheklangan jamiyati mas’ul xodimlari tomonidan o‘rganish ishlari olib borildi.

O‘rganish jarayonida joriy yilning 5, 6-may kuni tinmasdan yomg‘ir yog‘ishi natijasida avto turargohning ayrim joylarida mashinalar harakatlanishi uchun noqulayliklar kelib chiqgan. Ushbu holat “Shovot dehqon bozori” mas’uliyati cheklangan jamiyati tomonidan nazoratga olinib avtoturargohni joriy ta’mirlash ishlari boshlab yuborildi.