Press-tur

Axborot va ommaviy kommunikatsiyalar agentligining viloyat boshqarmasi hamda viloyat madaniyat boshqarmasi tomonidan Shovot tumani hokimligi axborot xizmati bilan hamkorlikda Shovot tumanidagi Yusuf Hamadoniy majmuasiga press-tur tashkil qilindi. 

Unda viloyat ommaviy axborot vositalari vakillari, jurnalistlar, blogerlar, madaniyat xodimlari va keng jamoatchilik vakillari ishtirok etdilar. Tadbir qatnashchilariga tasavvuf ilmining yirik namoyandasi bo‘lgan Yusuf Hamadoniyning islom ma’rifati va ma’naviyati rivojiga qo‘shgan ulkan hissasi, majmuada amalga oshirilgan keng ko‘lamdagi bunyodkorlik ishlari haqida batafsil ma’lumot berildi. Jurnalist va blogerlar tomonidan ziyorat turizmi markazlaridan biri bo‘lgan muborak qadamjodagi o‘zgarishlar haqida reportajlar, videoroliklar tayyorlanib, telekanallar, ijtimoiy tarmoqlar orqali efirga uzatildi.