Қишлоқ хўжалиги бўйича семинар йиғилиш ўтказилди

2021 йил 30 июнь куни “Шовот МТП” МЧЖда Вилоят ҳокимининг ўринбосари К.Сабиров, туман ҳокими  Х.Отаханов ҳамда вилоят ишчи гуруҳи томонидан Шовот туманда 2021 йил пахта ҳосили учун чигит экилган майдонлардаги ғўза парваришида белгиланган агротехник тадбирлар олиб борилиши юзасидан семинар йиғилиши ўтказилди.

 Бугунги кунда туманда пахта хосили учун чигит экилган майдонларда агротехник тадбирлар кетма-кетликда давом қилдирилиб, ғўзани суғориш ишлари амалга оширилмоқда.

Суғорилган майдонларда, сувдан кейинги биринчи культивацияни сифатли ўтказиш мақсадида бир кун муддатда мавжуд барча культиваторларни туманнинг МТП ларига йиғиб, носоз ишчи органлари алмаштирилди.

Культиваторларнинг ишчи органларини балиқ сирти қилиб ҳимоя воситалари билан ўралиши ташкил қилинди.

Шовот тумани ҳокимлиги Матбуот хизмати