Bayramingiz muborak, aziz ustozlar!

Shovot tumanida 1 oktabr – O‘qituvchi va murabbiylar kuniga bag‘ishlab bayram tadbiri o‘tkazildi. Tadbiriga tumanda mehnat qilib kelayotgan fidoyi ustoz va murabbiylar, soha vakillari hamda faxriylari taklif qilindi. 

Bayram tadbirida Shovot tumani hokimi Odilbek Artiqov ishtirok qilib mamlakatimiz Prezidentining O‘zbekiston o‘qituvchi va murabbiylariga yo‘llagan bayram tabrigini o‘qib eshittirdi va soha vakillarini samimiy qutladi. Yosh avlodga ta’lim-tarbiya berishda munosib yutuqlarga erishgan bir guruh ustoz va murabbiylarga davlat mukofotlari, tuman hokimining faxriy yorlig‘i hamda bayram sovg‘alari topshirildi. Shuningdek, tadbir tuman madaniyat bo‘limining san’atkorlari tomonidan ijro etilgan kuy va qo‘shiqlar bilan davom etdi.

Shovot tumani hokimligi axborot xizmati.