Rasmiy munosabat

Ijtimoiy tarmoqlarda Shovot tumanida yashovchi, birinchi guruh nogironi boʻlgan fuqaro Dushamov Jurʼatbek nogironlar aravachasiga muhtoj ekanligi haqida murojaat yoʻllagan. Ushbu video murojaat yuzasidan tuman hokimligi axborot xizmati quyidagilarni maʼlum qiladi.

Fuqaro Dushamov Jurʼatbek 2006-yilda tugʻilgan boʻlib, hozirda Shovot tumani Oqkoʻl mahallasida istiqomat qiladi, birinchi guruh nogironi. Bugungi kunda oddiy aravachadan foydalanib harakatlanadi. 2023-yilning 23-sentabr kuni elektron aravacha so‘rab bergan arizasi yuzasidan ro‘yxatga olingan. Hozirda viloyat miqyosida 52 - navbatda, Shovot tumani bo‘yicha 7-navbatda turibdi.

Shovot tumani “Inson” ijtimoiy xizmatlar markazi mas’ullari tomonidan videomurojaat yuzasidan fuqaro Dushamov Jurʼatbek xonadoniga borib oila a’zolari bilan uchrashildi hamda murojaat yuzasidan elektron aravachani berish tartibi qonunan tushuntirildi.

Fuqaro Dushamov Jurʼatbek va uning oila a’zolari vaziyatni tushunib tushuntirish xati taqdim qilgan. Tushuntirish xatida ushbu holat yuzasidan “Inson” ijtimoiy xizmatlar markaziga hech qanday e’tirozi yo‘qligini bildirganini ma’lum qilamiz.