Tumanimizda ''Yangi yilni sport bilan kutib olamiz'' shiori ostida sport tadbiri bo‘lib o‘tdi

Shovot tumani hokimligi, turizm va sport bo‘limi tomonidan tumanimizning 1-son Bolalar-O‘smirlar sport maktabining asosiy binosida ''Yangi yilni sport bilan qarshi olamiz'' shiori ostida kirib kelayotgan Yangi 2022-yilda sport bilan shug‘ullanuvchilar qamrovini kengaytirish, tuman aholisining barcha qatlamlarida ommaviy sport turlari bilan shug‘ullanuvchilarni yanada qo‘llab-quvvatlash maqsadida hamda yoshlarni sportga bo‘lgan e'tiborini yanada oshirish maqsadida sport tadbiri tashkil etildi. Sport tadbirida bir qator yoshlar Stol tennis, Badiiy gimnastika, Dzyudo, Arqon tortish, Tosh ko‘tarish bo‘yicha hamda milliy raqslar bilan o‘zlarining mahoratlarini namoyon etishdi. Sport tadbiriga bir qator idora va tashkilotlar rahbarlari, ota-onalar, sportchi yoshlar va trenerlar tashrif buyurib, sportchi yoshlarning ko‘rgazmali chiqishlari va bellashuvlarni miriqib tomosha qilishdi. Tadbirga yanada qiziqarli kayfiyat ulashuvchi qorbobo va qorqiz sportchi yoshlarga o‘zlarining sovg‘alarini berib sportchilarning kayfiyatini yanada ko‘talishiga sabab bo‘ldi.

Tadbirni o‘tkazishda Barkamol avlod to‘garak maktabi va 1-son Bolalar-O‘smirlar sport maktabi hodimlari katta amaliy yordam ko‘rsatishdi.