Yangiliklar
Aprel 17, 2024 Aholini ro‘yxatga olishning muqobil usullari va ularga o‘tish sabablari Aprel 15, 2024 Shovot tumanida "Tashabbusli byudjet" jarayonining 2024-yil 1-chorak mablag‘lari yo‘naltirilishi va sarflanishi bo‘yicha hisobot. Aprel 04, 2024 Hurmatli va aziz fermerlar, dehqonlar hamda tomorqa yer egalari! Mart 31, 2024 Media-tur Mart 29, 2024 TADBIRKORLAR BILAN OCHIQ MULOQOT O‘TKAZILDI Mart 24, 2024 Rasmiy munosabat Mart 23, 2024 Rasmiy munosabat Mart 21, 2024 SHOVOT TUMANI HOKIMI XOLBOYEV OYBEK MADAMINOVICHNING NAVRO‘Z UMUMXALQ BAYRAMI MUNOSABATI BILAN TABRIGI Mart 21, 2024 A S S A L O M   N A V R O‘ Z Mart 14, 2024 XALQ DEPUTATLARI SHOVOT TUMANI KENGASHINING QARORI

SHOVOT TUMANI HOKIMI XOLBOYEV OYBEK MADAMINOVICHNING NAVRO‘Z UMUMXALQ BAYRAMI MUNOSABATI BILAN TABRIGI

Тарқатиш: Email Facebook Google LinkedIn Twitter VK VK

SHOVOT TUMANI HOKIMI XOLBOYEV OYBEK MADAMINOVICHNING NAVRO‘Z UMUMXALQ BAYRAMI MUNOSABATI BILAN TABRIGI

Aziz yurtdoshlar!

Jonajon yurtimizga go‘zallik va nafosat, yasharish va yangilanish, mehr-oqibat bayrami — Navro‘zi olam kirib keldi. Ming yillar davomida ma’naviy hayotimizning ko‘rki va ziynati bo‘lib kelayotgan bu ajoyib, hosiyatli bayram bugun qalblarimizga yana cheksiz quvonch bag‘ishlamoqda.

Tumanimizning jonkuyar, fidoyi, mehnatsevar hamda mehribon xalqini sharq milliy bayrami Navro‘z ayyomi bilan chin qalbimdan tabriklayman. Mana shunday fayzli, shodiyona ayyomda tumanimizdagi barcha eldoshlarimga yuksak hurmatim va eng ezgu tilaklarimni izhor etaman.

Sharqona Yangi yilimiz — Navro‘zi olamning qadami qutlug‘ va barakali kelsin!

Muhtaram eldoshlar!

Yurtimizda "Olam nurga to‘lsin sen bilan, Navro‘z!" degan ezgu tilaklar yangramoqda. Haqiqatan ham, Navro‘z o‘zining buyuk qudrati bilan tabiatni uyg‘otmoqda. Islohotlar esa jamiyatni, oliyjanob xalqimizning ongu tafakkuri, beqiyos salohiyatini namoyon etmoqda. 

Hozirgi kunda mamlakatimizda amalga oshirilayotgan barcha islohot va o‘zgarishlar ayni shu ulug‘ maqsadga — el-yurtimizning obod va farovon bo‘lishiga qaratilgan.

Qadimiy va navqiron Navro‘z bayrami bilan barchangizni chin qalbimdan tabriklayman!

Ezgulik va mehr-saxovat bayrami har bir xonadonga, butun tumanimiz ahliga tinchlik-xotirjamlik, baxtu saodat, qut-baraka olib kelsin!

Mehribon xalqimiz doim sog‘-omon, Navro‘z ayyomi barchamizga muborak bo‘lsin!

Hurmat bilan,

Shovot tumani hokimi Xolboyev Oybek Madaminovich

Тарқатиш: Email Facebook Google LinkedIn Twitter VK VK