Шовот туманида Ўзбекистон Республикаси Қишлоқ хўжалиги ходимлари куни муносабати билан тадбир бўлиб ўтди
Ҳар йили декабр ойининг иккинчи якшанбаси Қишлоқ хўжалиги ходимлари куни сифатида кенг нишонланади.
Байрам муносабати билан тўкин дастурхон ёзилиб, дастурхон атрофига қишлоқ ва сув хўжалиги туман бўлими масъул ходимлари, туман ҳокимлиги, класстер йўналишидаги “Shovot Uztex” йирик корхонаси раҳбар ва ходимлари, бу йилги мавсумда фидокорона меҳнатлари билан ибрат кўрсатган соҳа ходимлари ва илғор фермерлар жам бўлишди.
Тадбирда Шовот тумани ҳокими вазифасини бажарувчи Бахром Отажанов иштирок этиб, барча меҳнаткашларни байрам билан қутлади ва кейинги ишларига омадлар тилади.
Тадбир давомида фидокорона мехнат қилган “Қишлоқ хўжалиги фидойиси”, “Илғор фермер”, “Намунали томорқачи”, “Мехнаткаш дехқон” каби кўкрак нишонлари, пул мукофотлари ва эсталик совғалари билан тақдирландилар.
Шовот тумани ҳокимлиги Матбуот хизмати