Shovot tumanidagi “Tuproqqal’a” mahallasida joylashgan 54-son Oilaviy poliklinika mukammal ta’mirlanib foydalanishga topshirildi.

Ochilish marosimida Shovot tumani hokimi Odilbek Artiqov, sektor rahbarlari, soha vakillari, tibbiyot xodimlari, nuroniylar va keng jamoatchilik vakillari ishtirok qildi. 

Ushbu oilaviy poliklinika “Katqal’a, Tuproqqal’a, Yangiturmush, Botirlar, Oltinqal’a” mahallalarining jami 13057 nafar fuqarolari uchun tibbiy xizmat ko‘rsatadi. Poliklinikada UTT, EKG, laboratoriya, stomatologiya, akusher-ginekolog, emlash, kunduzgi statsionar, muolaja xonalari va barcha zarur tibbiy jihozlar mavjud. Shuningdek, ushbu oilaviy poliklinika tez tibbiy yordam avtomobili bilan ta’minlangan.