O‘qituvchi (TESOL Level 5, CEFR B2, IELTS 6 va undan yuqori, shuningdek, vazirlik tomonidan belgilanadigan boshqa ) sertifikatlardan biriga ega bo‘lsa, ko‘proq dars olish huquqiga ega bo‘ladi.

O‘zbekiston Respublikasi Xalq ta’limi vazirligi, O‘zbekiston Respublikasi Moliya vazirligining «Umumta’lim muassasalarida sinflarni komplektlash hamda tarifikatsiya ro‘yxatlarini shakllantirish tartibi to‘g‘risida»gi Nizomga muvofiq, Umumta’lim muassasalari tomonidan shakllantirilgan dars soatlari setkasi umumta’lim muassasasining pedagogik kengashi tomonidan ikki ish kuni ichida ko‘rib chiqilib, har yili 15 sentyabrga qadar o‘qituvchilarga dars soatlari ko‘rsatkichlarning ustuvor ketma-ketligi asosida taqsimlanadi: Nizomning 15-bandida ko‘rsatkichlarning ustuvor ketma-ketligi belgilab berilgan. Ushbu ko‘rsatgichlarning uchunchisida chet tili va STEAM fanlaridan mutaxassisligi bo‘yicha xalqaro sertifikatlarga ega o‘qituvchilar (TESOL Level 5, CEFR B2, IELTS 6 va undan yuqori, shuningdek, vazirlik tomonidan belgilanadigan boshqa sertifikatlar) turibdi. Malaka toifalar esa sakkizinchi ko‘rsatgichdan joy olgan. Ya’ni, o‘qituvchi yuqorida ko‘rsatib o‘tilgan sertifikatlardan biriga ega bo‘lsa, malaka toifasi bo‘lmasa ham toifaga ega bo‘lgan o‘qituvchidan ko‘ra ko‘proq dars olish huquqiga ega bo‘ladi.

Shovot tumani Аdliya boʻlimi YXKM bosh yuriskonsulti  B.R.Qurbonov