Янгиликлар
Сентябрь 17, 2021 Участка сайлов комиссияларини таркибини тасдиқлаш тўғрисида Сентябрь 17, 2021 Ўзбекистон Республикаси Президенти сайловини ўтказувчи 12-Хоразм сайлов округи ҳудудида сайлов участкаларини тузиш тўғрисида Сентябрь 17, 2021 ТАЪЛИМ СИФАТИ ВА САМАРАДОРЛИГИ БЎЙИЧА ЮҚОРИ НАТИЖАЛАРГА ЭРИШГАН МАКТАБ ЖАМОАЛАРИ ХАЛҚ ТАЪЛИМИ ВАЗИРЛИГИ ТОМОНИДАН ТАҚДИРЛАНДИ Сентябрь 06, 2021 openbudget.uz да овоз бериш жараёни Август 17, 2021 Юридик хизмат кўрсатиш марказлари ташкил этилади Август 16, 2021 Сайлов қонунчилигини бузганлик учун қандай жавобгарликлар бор? Август 16, 2021 Ўзбекистонда президент сайлови компаниясига қачон старт берилади? Август 12, 2021 Ҳурматли Шовотликлар !!! Август 10, 2021 Туман ҳокимининг навбатдаги фуқаролар билан қабули ўтказилди Август 04, 2021 РАСМИЙ МУНОСАБАТ

Ўзбекистонда президент сайлови компаниясига қачон старт берилади?

Тарқатиш: Email Facebook Google LinkedIn Twitter VK VK

Ўзбекистон Республикаси Сайлов кодексига кўра, президентлик сайловлари жорий йил 24 октябрь куни бўлиб ўтади. Бу ҳақда 23 июль куни Марказий сайлов комиссиясининг навбатдаги йиғилишида тегишли қарор қабул қилинди.

Ўзбекистон Республикаси Марказий сайлов комиссиясининг 23 июль куни навбатдаги мажлиси бўлиб ўтди. Унда йирик сиёсий жараён Ўзбекистон Республикаси президенти сайловига старт берилди.

Мажлисда Марказий сайлов комиссияси 2021 йилнинг 24 октябрь санаси Ўзбекистон Республикаси президенти сайлови куни, деб белгилади. Сайлов компанияси 23 июлдан бошланиши эълон қилинди.

Президент сайлови шу йил 8 февралда Ўзбекистон Республикаси Конституциясининг 117-моддасига киритилган ўзгартишга мувофиқ, октябрь ойида бўлиб ўтади.

2021 йилги президент сайлови илк бор Ўзбекистон Республикаси Сайлов кодекси асосида ўтади. Унда конституциявий қоидалар ва халқаро сайлов стандартларига биноан Ўзбекистон Республикаси президенти даврийлик принципи асосида сайланиши таъминланади.

МСК мажлисида сайлов компанияси даврида барча сиёсий партиялар ва улар кўрсатган номзодлар учун соғлом рақобат муҳити ва тенг шароитлар яратилиши таъкидланди. Президент сайловига тайёргарлик кўриш ва уни ўтказиш билан боғлиқ ишларни сиёсий партиялар, фуқароларнинг ўзини ўзи бошқариш органлари, халқаро ташкилотлар ва хорижий давлат вакиллари, журналистлар, хусусан, хорижий журналистлар кузатиб бориши мумкин.

МСКнинг матбуот маркази ва ҳудудий бўлинмалари журналистлар ва жамоатчиликка сайловга оид масалалар бўйича тезкор ахборот етказилишини таъминлайди. Шунингдек, Марказий сайлов комиссиясининг “Saylov-2021” веб портали ва бошқа ахборот ресурслари юритилишини таъминлайди.

Сайловларда 5та партия – “Адолат” Социал-демократик партияси, “Миллий тикланиш” демократик партияси, Либерал демократлар партияси (ЎзЛиДеП), Халқ демократик партияси ва Экологик партия ўз номзодларини илгари суриш ҳуқуқига эга бўлади.

Маълумот учун, президент сайловини Ўзбекистон фуқаролари умумий, тенг ва тўғридан-тўғри сайлов ҳуқуқи асосида яширин овоз бериш йўли билан амалга оширади. Ушбу лавозимга 35 ёшдан кичик бўлмаган, давлат тилини яхши биладиган, бевосита сайловгача камида 10 йил Ўзбекистон ҳудудида муқим яшаётган Ўзбекистон фуқароси сайланиши мумкин. Ўзбекистон президенти беш йил муддатга сайланади.

           

 

Шовот туман адлия бўлими етакчи маслаҳатчиси Ислом Садиқов

Тарқатиш: Email Facebook Google LinkedIn Twitter VK VK