Шовот тумани ҳокими Х.Отаханов барча битирувчиларга оқ йўл тилади
Ассалому алайкум! Ҳурматли ўқитувчи ва азиз ўқувчилар! Бугун қувончли айёмда мамлакатимиздаги барча мактабларда “Сўнгги қўнғироқ”лар янграмоқда.
Айтиш жоизки, ҳозирги кунда тумандаги мактабларда ёшларимизга 2856 нафар педагог-ўқитувчилар таълим-тарбия бериб келишмоқда. Ушбу ўқитувчиларнинг 802 нафари олий ва биринчи тоифали ўқитувчиларни ташкил этади.
Шовот туман халқ таълими бўлими тасарруфида 53 та умумий ўрта таълим мактаби ва битта халқаро мактаб-интернати мавжуд бўлиб, уларда жами 31322 нафар ўқувчи-ёшлар таълим-тарбия олишмоқда.
2021-ўқув йилида тумандаги умумтаълим мактабларини 11-синфини жами 2213 нафар ўқувчилар якунлашади. Шулардан 15 нафари олтин медал, 35 нафари кумуш медал билан якунлаши кутилмоқда.
Барчангизни беғубор ўқувчилик йилларингизни ортда қолдириб, қадрдон мактабингиз, меҳрибон устозларингиз билан хайрлашиб, ҳаётингизнинг янги, янада масъулиятли босқичига қадам қўяётганингиз билан чин қалбимдан муборакбод этаман.
Қадрли ота-оналарнинг суюкли ўғил-қизлари!
Қалбингиздаги эзгу орзу-интилишларни рўёбга чиқаришда мамлакатимизда барча имконият яратилган. Мустақил ҳаёт сари ташлаётган илк дадил қадамингиз қутлуғ ва муборак бўлсин!
Шовот тумани ҳокимлиги
Матбуот хизмати