Shovot tumani hokimi Odilbek Artiqovning tuman yoshlariga bayram tabrigi
Shovot tumani hokimi Odilbek Artiqovning tuman yoshlariga bayram tabrigi
Shovot tumani hokimi Odilbek Artiqovning tuman yoshlariga bayram tabrigi
Аssalomu alaykum ertangi kunimiz egalari aziz yoshlar, qadrli o‘g‘il qizlarim barchangizni o‘ttizinchi iyun “Yoshlar kuni” bilan chin qalbimdan samimiy muborakbod etaman.
Yoshlik o‘zining oliyjanob tashabbusi, sofdillikka, adolatga, bashariy haqiqatga behudud intilishi bilan taraqqiyotning buyuk kuchlaridan birini tashkil qiladi.
Bugungi kunda muhtaram yurtboshimiz boshchiliklarida yoshlarimizning huquq va qonuniy manfaatlarini taʼminlash, ularning orzu intilishlari, qobiliyat va salohiyatini ro‘yobga chiqarish borasida amalga oshirilayotgan ishlar davlat siyosatining eng muhim va ustuvor yo‘nalishi sifatida qaralayotganligini barchamiz yaxshi bilamiz.
Bunga javoban yoshlarimiz bilim va salohiyati bilan nafaqat yurtimiz, balki jahon miqyosida o‘zlarini namoyon etayotir.
O‘ttizinchi iyun - O‘zbekiston Respublikasi «Yoshlar kuni» etib belgilangani farzandlarimiz uchun o‘ziga xos quvonchli bayram bo‘lishi bilan birga ularni yangi, yuksak marralarga chorlovchi beqiyos rag‘bat bo‘lishiga shubha yo‘q.
Har bir yoshga el-yurtimiz faxrlanadigan jonajon O‘zbekistonimizning munosib farzandi, haqiqiy inson bo‘lish baxti nasib etsin.
O‘qish-o‘rganish, doimiy izlanish, ilm- fanga, taraqqiyot cho‘qqilarnini egallashga intilib yashash doimo hamrohingiz bo‘lsin.
Qadrli o‘g‘il-qizlarim sizlarni Yoshlar kuni bilan yana bir bor samimiy tabriklab barchangizga yangi yutuqlar, baxt va omad tilayman.
Shovot tumani hokimligi axborot xizmati.