Shovot tumani hokimi Odilbek Artiqovning bayram tabrigi

Assalomu aleykum aziz va muhtaram vatandoshlar!

Tumanimiz ahlini va barcha mo‘min-musulmonlarni, butun xalqimizni shukronalik, saxovat va mehr-oqibat ayyomi – muborak Qurbon hayiti bilan chin qalbimdan tabriklayman.

Qurbon hayitining maʼnaviy hayotimizda olijanob fazilatlarni, bag‘rikenglik, muruvvat, do‘stlik va hamjihatlik kabi ezgu qadriyatlarni mustahkamlash borasidagi o‘rni va ahamiyati beqiyosdir. Bu qutlug‘ ayyomda hammamiz, avvalo, mana shunday fayzli va barakotli kunlarga yetkazgani, yurtimiz tinch, osmonimiz musaffo ekanligi uchun Olloh taologa cheksiz shukronalar aytamiz.

Duogo‘y keksalarimizning mana shunday fazilatli damlarda elu yurtimiz haqiga qilgan ezgu niyat va tilaklari ijobat bo‘lsin!

Ushbu ulug‘ ayyom kunlarida tumanimiz ahlini, barcha yurtdoshlarimizni samimiy  muborakbod etaman.

Xonadonlarimizdan fayzu baraka va osoyishtalik arimasin, yurtimiz tinch, osmonimiz musaffo bo‘lsin.

Hurmat bilan!

Shovot tumani hokimi Odilbek Artiqov