Rasmiy munosabat

Ijtimoiy tarmoqlardagi “Shovot dehqon bozoridagi pulli parkovkaning holatini kim nazorat qiladi?” mazmunida tarqalgan xabar yuzasidan tuman hokimligi axborot xizmati va “Shovot dehqon bozori” MChJ quyidagilarni ma’lum qiladi.

Yuqoridagi holat joriy yilning 16-mart kuni sodir etilgan bo‘lib, holat yuzasidan tegishli tashkilotlar ishtirokida o‘rganish ishlari olib borildi. O‘rganish jarayonida “Shovot dehqon bozori” MChJga qarashli avtoturargohda yo‘nalishsiz taksilar tomonidan mijoz olish maqsadida avtomobillarni tartibsiz joylashtirganligi va o‘zboshimchalik bilan boshqa haydovchilarga yo‘l bermay tirbandlikni yuzaga keltirgani aniqlandi.

Holat yuzasidan tegishli xodimlar va yo‘nalishsiz taksichilar ogohlantirilib, ushbu holat qayta takrorlansa belgilangan tartibda chora ko‘rilishi tushuntirilganini ma’lum qilamiz.