RASMIY MUNOSABAT

Ijtimoiy tarmoqlarda “Shovot tumanidagi maktab yo‘llari achinarli ahvolga kelib qolgan” mazmunida tarqalgan xabar yuzasidan tuman hokimligi axborot xizmati quyidagilarni ma’lum qiladi.

Yuqoridagi murojaatda ko‘rsatilgan yo‘l 4k 930 “Shovot t/y st-Qiyot k-Bo‘yrachi k” avtomobil yo‘lining Bog‘bon mahallasidan kesib o‘tuvchi 17-19 kmlari hisoblanadi. Joriy yilda Shovot tumani yo‘llardan foydalanish korxonasi davlat muassasasi tomonidan mazkur yo‘lning 4-7 kmlarida joriy ta’mirlash ishlari amalga oshirildi. Yo‘lning qolgan qismi 2024 yilda mukammal ta’mirlash uchun rejaga kiritilganini ma’lum qilamiz.