RASMIY MUNOSABAT

“You tube” tarmoqidagi, “Beshmerganda odamlar mahalla raisi saylovidan norozi” mazmunda tarqalgan video murojaat yuzasidan

RASMIY MUNOSABAT

Yuqoridagi mazmunda tarqalgan video xabar yuzasidan Shovot tumani hokimligi axborot xizmati shuni malum qiladiki, “Beshmergan” mahalla fuqarolar yig‘ini raisi sayloviga nomzodlar bo‘yicha mahalla ishchi guruhi tomonidan saylovga ko‘maklashuvchi tuman komissiyasiga tavfsiyanoma hamda nomzodlarning tegishli hujjatlari taqdim qilingan.

Fuqarolar yig‘ini raisi (oqsoqoli) saylovi to‘g‘risidagi qonuning tegishli moddalariga asosan ishchi guruh tomonidan taqdim qilingan hujjatlar o‘rganib chiqilib, belgilangan muddatda nomzodlar yuzasidan tuman hokimining xulosalari ishchi guruhga taqdim qilish uchun tegishli komissiyaga yuboriladi.

Mahalla fuqarolari tomonidan tushunmovchilik yuzaga kelib, Qonunda belgilangan muddatni hisobga olmasdan yani, nomzodlar to‘g‘risidagi hujjatlar komissiya tomonidan o‘rganish ishlari davom qilayotga davrda mahalla fuqarolar yig‘ini raisligiga Sharifzoda Uyg‘un nomzodini kiritib berishni talab qilishgan.

Qonun doirasida belgilangan muddatda mahalla fuqarolari yig‘ini raisligiga nomzodlar to‘g‘risida hokim xulosalari tegishli komissiyaga yuborilib ishchi guruhga taqdim qilindi.

Beshmergan mahalla fuqarolari yig‘ini raisligiga bo‘lib o‘tgan saylovda Sharifzoda Uyg‘un nomzodi 98% ovoz to‘plab “Beshmergan” mahalla fuqarolari yig‘ini raisligiga tasdiqlandi.