РАСМИЙ МУНОСАБАТ
Шовот деҳқон бозори ҳудудидаги камчиликлар бартараф этилди.
Жорий йилнинг 17 январь куни ижтимоий тармоқлар орқали «Бу ер Афғонистон эмас, бу ер Хоразм вилояти Шовот тумани деҳқон бозори аҳволи» сарлавҳали видеолавҳа ёритилди. Унда Шовот тумани деҳқон бозорига кириш ҳудудининг ёғингарчиликдан кейинги аҳволи акс этган. Мазкур видеода «бу ер Шовот деҳқон бозори» деб кўрсатилган.
Ушбу ҳолат тегишли ташкилотлар томонидан ўрганилди. Видеода акс этган ҳудуд Шовот туман деҳқон бозори ҳудуди яқинида жойлашган бўлиб, бозорга кириш йўлаги шу ҳудуд билан бирлашганлиги сабабли, шу ерда яшовчи аҳоли ва деҳқонлар томонидан Якшанба кунлари қишлоқ хўжалиги маҳсулотларини сотуви йўлга қўйилган. Аҳолига қулайлик яратиш мақсадида ушбу ҳудудда шу куннинг ўзида таъмирлаш ишлари бошланди. Эндиликда мутасадди ташкилотлар назорати остида таъмирлаш ишлари охиригача етказилади ва аҳоли учун мазкур ҳудудда савдони амалга ошириш учун қонуний чоралар кўрилади.
Шовот туман ҳокимлиги Матбуот хизмати