Ochiq muloqot

Xorazm viloyati hokimining o‘rinbosari Anvar Davletov tomonidan 2025-yilda amalga oshiriladigan loyihalar hamda tadbirkorlik faoliyatida muammolari mavjud bo‘lgan, faoliyati to‘xtagan va qayta tiklash istagida bo‘lgan tadbirkorlarning muammolarini bartaraf etish maqsadida Shovot va Qo‘shko‘pir tumanlari tadbirkorlari bilan ochiq muloqot o‘tkazildi.

Uchrashuv davomida tadbirkorlar o‘z faoliyatlarini kengaytirish, kredit olish, soliq imtiyozlarini qo‘llash kabi muammoli masalalar yuzasidan murojaat qilib, yangi biznes g‘oyalari va takliflarini bildirdilar. Har bir murojaat tegishli soha rahbarlari ishtirokida shu joyning o‘zida muhokama qilindi, ko‘tarilgan masalalarning bir qismi joyida o‘z yechimini topdi, qo‘shimcha o‘rganishni talab qiladigan murojaatlarni ijrosi qat’iy nazoratga olindi.