OCHIQ MULOQOT

Shovot tumani hokimligi axborot xizmati hamda Byudjetdan tashqari pensiya jamg‘armasi tuman bo‘limi bilan hamkorlikda tumandagi 8-son bolalar musiqa va san’at maktabida “Ijtimoiy himoya yagona reestri” axborot tizimi haqida ochiq muloqot bo‘lib o‘tdi.

Ochiq muloqotda, Byudjetdan tashqari pensiya jamg‘armasi tuman bo‘limi boshlig‘i R.Abduraxmonov so‘zga chiqib, Vazirlar Mahkamasining 2021 yil 21-oktyabrdagi “Kam ta’minlangan oilalarni “Ijtimoiy himoya yagona reestri” axborot tizimi orqali aniqlash, ularga kam ta’minlangan oilalar bolalari uchun nafaqa va moddiy yordamni tayinlash va to‘lash tartibi to‘g‘risida”gi №-654-qarorining mazmun mohiyati to‘g‘risida muloqot ishtirokchilariga so‘zlab o‘tdi.