Jamoatchilikni qiziqtirgan masalalar yuzasidan sud majlisi o‘tkazildi.

Fuqarolik ishlari bo‘yicha Shovot tumanlararo sudining raisi Eshchanov Doniyorbek Kamiljanovich tomonidan ochiq sud majlisi o‘tkazildi.

Sudda daʼvogar Kadastr agentligi Gurlan tumani bo‘limining javobgar F.Yga nisbatan noqonuniy qurilgan qurilmani bartaraf etish bo‘yicha  fuqarolik ishi ko‘rib chiqildi. O‘tkazilgan sud jarayonida taraflarning tushuntirishlari tinglandi va ish hujjatlarini atroflicha o‘rganib chiqib, sudda keltirilgan asoslarga ko‘ra daʼvogar Kadastr agentligi Gurlan tumani bo'limining daʼvo arizasi qanoatlantirildi. Sud raisi taraflar uchun hal qiluv qarorni o‘qib eshittirdi va ushbu qarordan norozi bo‘lgan taqdirda, bir oy muddat ichida Xorazm viloyati fuqarolik sudiga apellyatsiya tartibida shikoyat arizasini berishi mumkinligi to‘g‘risida tushuntirish ishlarini amalga oshirdi.