Fuqaroga davolanish uchun bepul yo‘llanma orderi berildi
Shovot tumani “Qunduz” mahallasida yashovchi fuqaro S.X.ning davolanish uchun order olishda amaliy yordam berishni so’rab tuman adliya bo’limiga qilgan murojaati o’rganish uchun qabul qilindi.
O’rganish davomida, Shovot tuman tibbiyot birlashmasiga bo’limning tegishli topshiriq xati kiritildi. Unga muvofiq, Shovot tuman tibbiyot birlashmasining tibbiy tanlov komissiyasi tomonidan fuqaro S.X. tuman tibbiyot birlashmasi Ko’p tarmoqli markaziy poliklinikasida chuqurlashtirilgan tibbiy ko‘rikdan o’tkazildi.
O’tkazilgan tibbiy ko’rik natijasiga ko’ra fuqaro S.X.ga KTM poliklinika Nevropatologiya va Travmatologiya shifokorlari tomonidan “Ikkala tizza bo‘g‘imi deformatsilovchi asteoatrozi 3-darajasi, bel umurtqalari osteoxondrozi, disgarmanol spondilopatiya Th12. L1. L2. L3-4., disk tanalarining patologik sinishi L4-5. disk churrasi ildizli og‘riq sindromi pastki paraparez” tashxisi qo’yilib, fuqaro S.X. dispanser nazoratiga olindi hamda Xorazm viloyat ko’p tarmoqli Tibbiyot markazining Travmatologiya bo’limi uchun bilan bepul yo’llanma order berildi.
Islom Sadiqov,
Shovot tuman adliya bo‘limi
yetakchi maslahatchisi