8 dekabr – O‘zbekiston Respublikasi Konstitutsiyasi kuni

Shovot tumanidagi 8-son bolalar musiqa va san’at maktabida, O‘zbekiston Respublikasi Konstitutsiyasi qabul qilinganining 31 yilligiga bag‘ishlangan bayram tadbiri bo‘lib o‘tdi. Tadbirda mehnat faxriylari, davlat va jamoat tashkiloti xodimlari, yoshlar hamda keng jamoatchilik vakillari ishtirok qildi. 

Shovot tumani hokimi Oybek Xolboyev va tuman prokurori Ravshan Masharipov so‘zga chiqib, ushbu sana munosabati bilan tumanimiz ahlini muborakbod etdilar. Tuman madaniyat bo‘limi san’atkorlari tomonidan sahnalashtirilgan badiiy chiqishlar, milliy va estrada yo‘nalishida ijro etilgan taronalar tadbir ishtirokchilariga bayram kayfiyatini ulashdi.

Shovot tumani hokimligi axborot xizmati.