#Press-tur

Xorazm viloyati Ekologiya boshqarmasi tomonidan Axborot va ommaviy kommunikatsiyalar agentligi Xorazm viloyati boshqarmasi, O‘zbekiston Jurnalistlar uyushmasi Xorazm viloyati bo‘limi hamda Shovot tumani hokimligi bilan hamkorlikda, tumandagi “Ijtimoyat” mahallasida joylashgan “Xorazm shisha idishlari” MCHJda 15-noyabr ikkilamchi qayta ishlash kuni (Global Recycling Day) munosabati bilan OАV xodimlari, jurnalist va blogerlar uchun press-tur tashkil etildi.

Press-turda jurnalist va blogerlar OAV vakillari ishtirok etdi. Korxonaning tajribali mutaxassislari tomonidan press-tur ishtirokchilariga karxona faoliyati, ishlab chiqariladigan mahsulotlar va xodimlarga yaratilgan sharoitlar to‘g‘risida ma’lumotlar berildi.

Ma’lumot uchun; korxonada kuniga 45 tonnadan 55 tonnagacha tayyor mahsulot ishlab chiqarilib, mahsulotlarning 40, 50% ni ikkilamchi ishlab chiqarilgan mahsulotlar tashkil etadi. Tayyor mahsulotlar Polsha, Finlandiya, Latviya, Italiya kabi davlatlarga eksport qilinadi. Shuningdek, korxona Germaniya hamda Italiyadan keltirilgan texnalogiyalar bilan jihozlangan bo‘lib, hozirda 170 dan ortiq xodimlar faoliyat yuritib kelmoqda.

Shovot tumani hokimligi axborot xizmati.