“Оилавий тадбиркорликни ривожлантириш” йўлида

Ўзбекистон Республикаси Президентининг 2019 йил 24 октябрдаги ПҚ-4498-сонли “Оилавий тадбиркорликни ривожлантириш давлат дастурлари доирасида амалга оширилаётган лойихаларни кредитлаш тартибини такомиллаштиришнинг қўшимча чора-тадбирлари тўғрисида”ги, Ўзбекистон Республикаси Президентининг 2019 йил 7 мартдаги “Ҳудудларда аҳолини тадбиркорликка кенг жалб қилиш ва оилавий тадбиркорликни ривожлантиришга доир қўшимча чора-тадбирлар тўғрисида”ги ПҚ-4231-сонли қарори ижросини таъминлаш мақсадида Шовот туман ҳокимлигининг молия бўлими ходимларидан иборат кичик ишчи гуруҳ таркиби шакллантирилди.

Ушбу қарорларни ижросини таъминлаш бўйича тумандаги тижорат банклари ҳамда барча иқтисодий комплекслар билан ҳамкорликда “Оилавий тадбиркорликни ривожлантириш” йўналишида тарғибот ишлари амалга оширилиб келинмоқда.

Молия бўлими томонидан оилавий тадбиркорликни ривожлантириш йўналишида услубий қўлланмалар, кўрсатма ва презинтацион материаллар, буклет, флаер ва брошюралар тайёрланиши ва аҳолига тарқатилиши бўйича бошқа манбалари ҳисобидан 1,0 млн.сўм маблағ ажратилди. Мазкур йўналишда ажратилган маблағлар хисобига 480 та буклет, 454 та флаер ҳамда 80 та брошюра материаллари тайёрланиб аҳолининг, ҳусусан кам таъминланган хонадонлар ва тадбиркорларга уйма-уй юриб тушунтириш ишларини амалга оширган ҳолда тарқатилмоқда.

Бугунги кунда туман бўйича 55 та МФЙда 30 770 та хонадонлар ва 43 446 та оилалар сони мавжуд бўлиб, шундан 39 та МФЙларда жами 975 та хонадон (1014 та оила) кам таъминланган  ва эҳтиёжманд оилаларга тарқатма материаллари тарқатилди, шунингдек ушбу маҳаллаларда амалий семинар машғулотлари ўтказилди