Янгиликлар
Январь 05, 2021 2021 йил учун Шовот туман маҳаллий бюджетини тасдиқлаш тўғрисида Январь 05, 2021 РАСМИЙ МУНОСАБАТ: Декабрь 18, 2020 ЎЗБЕКИСТОН РЕСПУБЛИКАСИНИНГ “АҲОЛИНИ РЎЙХАТГА ОЛИШ ТЎҒРИСИДА” ги ҚОНУНИ Декабрь 15, 2020 РАСМИЙ МУНОСАБАТ: ШОВОТ ТУМАНИ АҲОЛИСИГА УН, КЎМИР МАҲСУЛОТЛАРИ ВА ГАЗ БАЛЛОНЛАРИ ЎЗ ВАҚТИДА ЕТКАЗИЛМОҚДА Декабрь 10, 2020 ЎЗБЕКИСТОН РЕСПУБЛИКАСИНИНГ “АҲОЛИНИ РЎЙХАТГА ОЛИШ ТЎҒРИСИДА” ги ҚОНУНИ Декабрь 04, 2020 Аҳолини рўйхатга олиш пухта тайёргарликни талаб этади. Ноябрь 30, 2020 ИНТЕЛЛЕКТУАЛ МУЛК СОҲАСИДА ДАВЛАТ БОШҚАРУВИНИ ТАКОМИЛЛАШТИРИЛМОҚДА Ноябрь 30, 2020 РАСМИЙ МУНОСАБАТ: Ноябрь 27, 2020 Ўзбекистон Республикасида аҳолини рўйхатга олиш муддати 2022- йилдан 2023- йилга кўчирилди Ноябрь 24, 2020 Шовот туманида Рақамли технологиялар ўқув маркази иш бошлади

Ўзбекистон Республикасида аҳолини рўйхатга олиш муддати 2022- йилдан 2023- йилга кўчирилди

Тарқатиш: Email Facebook Google LinkedIn Twitter VK VK

Ўзбекистон Республикаси Президентининг 2019йил 5 февралдаги «Ўзбекистон Республикасида 2022 йилда аҳолини рўйхатга олишни ўтказиш концепциясини тасдиқлаш тўғрисида» ги ПФ-5655-сон Фармонига мувофиқ, аҳолини рўйхатга олиш тадбирини ўтказиш 2022 йилга белгиланган эди.

Кейинги 30 йил ичида (Ўзбекистонда сўнгги марта 1989 йилда аҳоли рўйхатга олинган) аҳолини рўйхатга олиш тадбири илк бор амалга оширилаётганлиги эътиборга олинса, бундай кенг кўламдаги тадбирни ўтказиш учун катта тажриба, кўп вақт ва катта маблағ талаб этилиши аён бўлади.

Бирлашган Миллатлар Ташкилотининг тавсияларига кўра аҳолини рўйхатга олиш ҳар ўн йилда бир марта ўтказилиши мақсадга мувофиқ ҳисобланади. Бироқ кўпгина мамлакатлар ушбу тадбир муддатларини дунёда кузатилаётган коронавирус пандемияси сабабли кейинги йилларга кўчириш чораларини кўришмоқда. Жумладан, 2020 йилда Россия Федератцияси, Қозоғистон ва Арманистон Республикаларида ўтказилиши режалаштирилган аҳолини рўйхатга олиш тадбирлари 2021 йилга кўчирилди.

Республикамизда мустақиллик йилларида аҳолини рўйхатга олиш тадбири биринчи маротаба ўтказилаётганлигини инобатга олиб, тадбирга пухта тайёргарлик кўриш ва уни сифатли ўтказиш мақсадида, Ўзбекистон Республикаси Вазирлар Маҳкамасининг 2020 йил11 ноябрдаги “Ўзбекистон Республикасида 2023 йилда аҳолини рўйхатга олишга тайёргарлик кўриш ва уни ўтказиш чора-тадбирлари тўғрисида”ги 710-сон қарори билан Республикамизда аҳолини рўйхатга олиш тадбири 2023 йилнинг 1-25 ноябрь кунлари ўтказилиши белгиланди. Синов тариқасида Республикамизнинг 4 та ҳудудида жумладан Хоразм вилоятининг Хива шахрида 2021 йил 1-25 ноябр кунлари ўтказилиши белгиланди.

 

 

 

 

Тарқатиш: Email Facebook Google LinkedIn Twitter VK VK